یہ کہتی تھی گھر گھر میں جا کر حلیمہ
میرے گھر میں خیرالوراؐء آ گئے ہیں
بڑے اوج پر ہے میرا اب مقدر
میرے گھر حبیب ؐخدا آ گئے ہیں
اٹھی چار سو رحمتوں کی گھٹائیں
معطر معطر ہیں ساری فضائیں
خوشی میں یہ جبرئیلؑ نغمے سنائیں
وہ شافعؐ روز جزا آ گئے ہیں
مقرب ہیں بیشک خلیلؑ و نجیؑ بھی
بڑی شان والے کلیم ؑ و مسیحؑ بھی
لیئے عرش نے جن کے قدموں کے بوسے
وہ امی لقب مصطفیؐ آ گئے ہیں
یہ ظلمت سے کہ دو ڈیرے اٹھا لے
کہ ہیں ہر طرف اب اجالے اجالے
کہا جن کو حق نے سراج منیرا ؐ
میرے گھر وہ نورؐ خدا آ گئے ہیں
یہ سن کر سخی آپؐ کا آستانہ ہے
دامن پسارے ہوئے سب زمانہ
نواسوںؓ کا صدقہ نگاہ کرم ہو
تیرے در پے تیرے گدا آ گئے ہیں
نکیرین جب میری تربت میں آ کر
کہیں گے زیارت کا مژدہ سنا کر
اٹھو بحر تعظیم نور الحسنؔ اب
لحد میں رسول خدا ؐآ گئے ہیں
یہ کہتی تھی گھر گھر میں جا کر حلیمہ
حالیہ پوسٹیں
- اے کہ ترے جلال سے ہل گئی بزمِ کافری
- تنم فرسودہ، جاں پارہ ز ہجراں، یا رسول اللہ ۖ
- سر بزم جھومتا ہے سر عام جھومتا ہے
- عرش پر بھی ہے ذکرِ شانِ محؐمد
- مدینے کا شاہ سب جہانوں کا مالک
- سیف الملوک
- سُن کملے دِلا جے توں چاھنا ایں وسنا
- خاک سورج سے اندھیروں کا ازالہ ہوگا
- سچ کہواں رب دا جہان بڑا سوھنا اے
- خاکِ طیبہ کی اگر دل میں ہو وقعت محفوظ
- تو سب کا رب سب تیرے گدا
- سر محشر شفاعت کے طلب گاروں میں ہم بھی ہیں
- آج آئے نبیوں کے سردار مرحبا
- خدا کی عظمتیں کیا ہیں محمد مصطفی جانیں
- مجھ پہ بھی میرے آقا گر تیرا کرم ہووے
- تیری جالیوں کے نیچے تیری رحمتوں کے سائے
- مجھ پہ چشمِ کرم اے میرے آقا کرنا
- خدا کی خلق میں سب انبیا خاص
- افکار کی لذت کیا کہنا جذبات کا عالم کیا کہنا
- آہ جاتی ہے فلک پر رحم لانے کے لئے