خدا کی خلق میں سب انبیا خاص
گروہِ انبیا میں مصطفےٰ خاص
نرالا حُسنِ انداز و اَدا خاص
تجھے خاصوں میں حق نے کر لیا خاص
تری نعمت کے سائل خاص تا عام
تری رحمت کے طالب عام تا خاص
شریک اُس میں نہیں کوئی پیمبر
خدا سے ہے تجھ کو واسطہ خاص
گنہگارو! نہ ہو مایوسِ رحمت
نہیں ہوتی کریموں کی عطا خاص
گدا ہوں خاص رحمت سے ملے بھیک
نہ میں خاص اور نہ میری اِلتجا خاص
ملا جو کچھ جسے وہ تم سے پایا
تمھیں ہو مالکِ مُلکِ خدا خاص
غریبوں بے نواؤں بے کسوں کو
خدا نے در تمہارا کر دیا خاص
جو کچھ پیدا ہوا دونوں جہاں میں
تصدق ہے تمہاری ذات کا خاص
تمہاری انجمن آرائیوں کو
ہوا ہنگامۂ قَالُوْا بَلٰی خاص
نبی ہم پایہ ہوں کیا تو نے پایا
نبوت کی طرح ہر معجزہ خاص
جو رکھتا ہے جمالِ مَنْ رَّاٰنِیْ
اُسی منہ کی صفت ہے وَالضُّحٰی خاص
نہ بھیجو اور دروازوں پر اِس کو
حسنؔ ہے آپ کے در کا گدا خاص
خدا کی خلق میں سب انبیا خاص
حالیہ پوسٹیں
- یا رب میری آہوں میں اثرہے کہ نہیں ہے
- یہ سینہ اور یہ دل دوسرا معلوم ہوتا ہے
- رب دے پیار دی اے گل وکھری
- حضور ایسا کوئی انتظام ہو جائے
- میں تو خود ان کے در کا گدا ہوں
- خدا کی خلق میں سب انبیا خاص
- نہ آسمان کو یوں سر کشیدہ ہونا تھا
- مدینے کا شاہ سب جہانوں کا مالک
- دمِ حشر جب نہ کسی کو بھی تیرے بن ملے گی امان بھی
- میرے مولا کرم کر دے
- کعبے کے بدر الدجیٰ تم پہ کروڑوں درود
- سرکار دو عالم کے رخ پرانوار کا عالم کیا ہوگا
- چمن دلوں کے کھلانا، حضور جانتے ہیں
- وہ کمالِ حُسنِ حضور ہے کہ گمانِ نقص جہاں نہیں
- سُن کملے دِلا جے توں چاھنا ایں وسنا
- دل مِرا دنیا پہ شیدا ہو گیا
- خزاں کی شام کو صبحِ بہار تُو نے کیا
- فضلِ رَبّْ العْلیٰ اور کیا چاہیے
- تو سب کا رب سب تیرے گدا
- مدینہ میں ہے وہ سامانِ بارگاہِ رفیع