جتنا مرے خدا کو ہے میرا نبی عزیز
کونین میں کسی کو نہ ہو گا کوئی عزیز
خاکِ مدینہ پر مجھے اﷲ موت دے
وہ مردہ دل ہے جس کو نہ ہو زندگی عزیز
کیوں جائیں ہم کہیں کہ غنی تم نے کر دیا
اب تو یہ گھر پسند ، یہ دَر ، یہ گلی عزیز
جو کچھ تری رِضا ہے خدا کی وہی خوشی
جو کچھ تری خوشی ہے خدا کو وہی عزیز
گو ہم نمک حرام نکمّے غلام ہیں
قربان پھر بھی رکھتی ہے رحمت تری عزیز
شانِ کرم کو اچھے بُرے سے غرض نہیں
اُس کو سبھی پسند ہیں اُس کو سبھی عزیز
منگتا کا ہاتھ اُٹھا تو مدینہ ہی کی طرف
تیرا ہی دَر پسند، تری ہی گلی عزیز
اُس دَر کی خاک پر مجھے مرنا پسند ہے
تختِ شہی پہ کس کو نہیں زندگی عزیز
کونین دے دیے ہیں ترے اِختیار میں
اﷲ کو بھی کتنی ہے خاطر تری عزیز
محشر میں دو جہاں کو خدا کی خوشی کی چاہ
میرے حضور کی ہے خدا کو خوشی عزیز
قرآن کھا رہا ہے اِسی خاک کی قسم
ہم کون ہیں خدا کو ہے تیری گلی عزیز
طیبہ کی خاک ہو کہ حیاتِ ابد ملے
اے جاں بلب تجھے ہے اگر زندگی عزیز
سنگِ ستم کے بعد دُعاے فلاح کی
بندے تو بندے ہیں تمھیں ہیں مدعی عزیز
دِل سے ذرا یہ کہہ دے کہ اُن کا غلام ہوں
ہر دشمنِ خدا ہو خدا کو ابھی عزیز
طیبہ کے ہوتے خلد بریں کیا کروں حسنؔ
مجھ کو یہی پسند ہے ، مجھ کو یہی عزیز
جتنا مرے خدا کو ہے میرا نبی عزیز
حالیہ پوسٹیں
- وہی رب ہے جس نے تجھ کو ہمہ تن کرم بنایا
- فضلِ رَبّْ العْلیٰ اور کیا چاہیے
- طرب انگیز ہے راحت فزا ہے کیف ساماں ہے
- خوشی سب ہی مناتے ہیں میرے سرکار آتے ہیں
- دونوں جہاں کا حسن مدینے کی دُھول ہے
- دشتِ مدینہ کی ہے عجب پُر بہار صبح
- اک میں ہی نہیں ان پر قربان زمانہ ہے
- بڑی اُمید ہے سرکاؐر قدموں میں بلائیں گے
- دعا
- کچھ نہیں مانگتا شاہوں سے یہ شیدا تیرا
- بھر دو جھولی میری یا محمد
- راتیں بھی مدینے کی باتیں بھی مدینے کی
- ہم مدینے سے اللہ کیوں آگئے
- کون کہتا ہے کہ زینت خلد کی اچھی نہیں
- یہ حقیقت ہے کہ جینا وہی جینا ہوگا
- خدا کی خلق میں سب انبیا خاص
- ایمان ہے قال مصطفائی
- معراج کی شب سدرہ سے وریٰ تھا اللہ اور محبوبِ الہٰ
- دمِ حشر جب نہ کسی کو بھی تیرے بن ملے گی امان بھی
- ہو ورد صبح و مسا لا الہ الا اللہ