دل مِرا دنیا پہ شیدا ہو گیا
اے مِرے اﷲ یہ کیا ہو گیا
کچھ مرے بچنے کی صورت کیجیے
اب تو جو ہونا تھا مولیٰ ہو گیا
عیب پوشِ خلق دامن سے ترے
سب گنہ گاروں کا پردہ ہو گیا
رکھ دیا جب اُس نے پتھر پر قدم
صاف اک آئینہ پیدا ہو گیا
دُور ہو مجھ سے جو اُن سے دُور ہے
اُس پہ میں صدقے جو اُن کا ہو گیا
گرمیِ بازارِ مولیٰ بڑھ چلی
نرخِ رحمت خوب سستا ہو گیا
دیکھ کر اُن کا فروغِ حسنِ پا
مہر ذرّہ ، چاند تارا ہو گیا
رَبِ سَلِّمْ وہ اِدھر کہنے لگے
اُس طرف پار اپنا بیڑا ہو گیا
اُن کے جلوؤں میں ہیں یہ دلچسپیاں
جو وہاں پہنچا وہیں کا ہو گیا
تیرے ٹکڑوں سے پلے دونوں جہاں
سب کا اُس دَر سے گزارا ہو گیا
السلام اے ساکنانِ کوے دوست
ہم بھی آتے ہیں جو ایما ہو گیا
اُن کے صدقے میں عذابوں سے چھٹے
کام اپنا نام اُن کا ہو گیا
سر وہی جو اُن کے قدموں سے لگا
دل وہی جو اُن پہ شیدا ہو گیا
حسنِ یوسف پر زلیخا مٹ گئیں
آپ پر اﷲ پیارا ہو گیا
اُس کو شیروں پر شرف حاصل ہوا
آپ کے دَر کا جو کتا ہو گیا
زاہدوں کی خلد پر کیا دُھوم تھی
کوئی جانے گھر یہ اُن کا ہو گیا
غول اُن کے عاصیوں کے آئے جب
چھنٹ گئی سب بھیڑ رستہ ہو گیا
جا پڑا جو دشتِ طیبہ میں حسنؔ
گلشن جنت گھر اُس کا ہو گیا
![](https://imuslimz.com/wp-content/uploads/2022/02/default-featured-image.gif)
دل مِرا دنیا پہ شیدا ہو گیا
حالیہ پوسٹیں
- اک میں ہی نہیں ان پر قربان زمانہ ہے
- نصیب آج اپنے جگائے گئے ہیں
- اگر چمکا مقدر خاک پاے رہرواں ہو کر
- مئے حُبِّ نبی سے جس کا دل سرشار ہو جائے
- زہے عزت و اعتلائے محمد
- کیا ہی ذوق افزا شفاعت ہے تمھاری واہ واہ
- یادِ سرکارِ طیبہ جو آئی
- اس کرم کا کروں شکر کیسے ادا جو کرم مجھ پہ میرے نبی کر دیا
- دل و نگاہ کی دنیا نئی نئی ہوئی ہے
- ترے دَر پہ ساجد ہیں شاہانِ عالم
- میرے مولا کرم ہو کرم
- جذب و جنوں میں انکی بابت جانے کیا کیا بول گیا
- کیا جھومتے پھرتے ہیں مے خوار مدینے میں
- اپنی رحمت کے سمندر میں اُتر جانے دے
- الٰہی تیری چوکھٹ پر بھکاری بن کے آیا ہوں
- سلام ائے صبحِ کعبہ السلام ائے شامِ بت خانہ
- آرزو ہے میری یامحمد موت آئے تو اس طرح آئے
- یہ حقیقت ہے کہ جینا وہی جینا ہوگا
- اُسی کا حکم جاری ہے زمینوں آسمانوں میں
- حاجیو! آؤ شہنشاہ کا روضہ دیکھو