مرحبا عزت و کمالِ حضور
ہے جلالِ خدا جلالِ حضور
اُن کے قدموں کی یاد میں مریے
کیجیے دل کو پائمالِ حضور
دشتِ ایمن ہے سینۂ مؤمن
دل میں ہے جلوۂ خیالِ حضور
آفرنیش کو ناز ہے جس پر
ہے وہ انداز بے مثالِ حضور
مَاہ کی جان مہر کا ایماں
جلوۂ حُسنِ بے زوالِ حضور
حُسنِ یوسف کرے زلیخائی
خواب میں دیکھ کر جمالِ حضور
وقفِ انجاح مقصدِ خدام
ہر شب و روز و ماہ و سالِ حضور
سکہ رائج ہے حکم جاری ہے
دونوں عالم ہیں مُلک و مالِ حضور
تابِ دیدار ہو کسے جو نہ ہو
پردۂ غیب میں جمالِ حضور
جو نہ آئی نظر نہ آئے نظر
ہر نظر میں ہے وہ مثالِ حضور
اُنھیں نقصان دے نہیں سکتا
دشمن اپنا ہے بد سگالِ حضور
دُرّۃ التاج فرقِ شاہی ہے
ذرّۂ شوکتِ نعالِ حضور
حال سے کشفِ رازِ قال نہ ہو
قال سے کیا عیاں ہو حالِ حضور
منزلِ رُشد کے نجوم اصحاب
کشتیِ خیر و امنِ آلِ حضور
ہے مسِ قلب کے لیے اکسیر
اے حسنؔ خاکِ پائمالِ حضور
مرحبا عزت و کمالِ حضور
حالیہ پوسٹیں
- کہتے ہیں عدی بن مسافر
- کیا کریں محفل دلدار کو کیوں کر دیکھیں
- یا رسول الله تیرے در کی فضاؤں کو سلام
- تھی جس کے مقدر میں گدائی ترے در کی
- یا نبی نظرِ کرم فرمانا اے حسنین کے نانا
- جاں بلب ہوں آ مری جاں الغیاث
- اپنی رحمت کے سمندر میں اُتر جانے دے
- یقیناً منبعِ خوفِ خدا صِدِّیقِ اکبر ہیں
- کس کے جلوے کی جھلک ہے یہ اجالا کیا ہے
- ہر لب پہ ہے تیری ثنا ، ہر بزم میں چرچا ترا
- لم یات نطیرک فی نظر، مثل تو نہ شد پیدا جانا
- اے رسولِ امیںؐ ، خاتم المرسلیںؐ
- محبوبِ کبریا سے میرا سلام کہنا
- سر بزم جھومتا ہے سر عام جھومتا ہے
- لَنْ تَرَانِیْ نصیبِ موسیٰ تھی
- رُخ دن ہے یا مہرِ سما ، یہ بھی نہیں وہ بھی نہیں
- تیرے ہوتے جنم لیا ہوتا
- افکار کی لذت کیا کہنا جذبات کا عالم کیا کہنا
- قربان میں اُن کی بخشش کے مقصد بھی زباں پر آیا نہیں
- مجھے در پہ پھر بلانا مدنی مدینے والے