چھائے غم کے بادل کالے
میری خبر اے بدرِ دُجیٰ لے
گرتا ہوں میں لغزشِ پا سے
آ اے ہاتھ پکڑنے والے
زُلف کا صدقہ تشنہ لبوں پر
برسا مہر و کرم کے جھالے
خاک مری پامال ہو کب تک
نیچے نیچے دامن والے
پھرتا ہوں میں مارا مارا
پیارے اپنے دَر پہ بُلا لے
کام کیے بے سوچے سمجھے
راہ چلا بے دیکھے بھالے
ناری دے کر خط غلامی
تجھ سے لیں جنت کے قبالے
تو ترے احساں میرے یاور
ہیں مرے مطلب تیرے حوالے
تیرے صدقے تیرے قرباں
میرے آس بندھانے والے
بگڑی بات کو تو ہی بنائے
ڈوبتی ناؤ کو تو ہی سنبھالے
تم سے جو مانگا فوراً پایا
تم نہیں کرتے ٹالے بالے
وسعت خوانِ کرم کے تصدق
دونوں عالم تم نے پالے
دیکھیں جنہوں نے تیری آنکھیں
وہ ہیں حق کے دیکھنے والے
تیرے عارض گورے گورے
شمس و قمر کے گھر کے اُجالے
اَبر لطف و غلافِ کعبہ
تیرے گیسو کالے کالے
آفت میں ہے غلامِ ہندی
تیری دُہائی مدینے والے
تنہا میں اے حامیِ بے کس
سینکڑوں ہیں دُکھ دینے والے
تیرے لطف ہوں میرے یاور
تیرا قہر عدو کو جا لے
آج ہے پیشی میں ہوں مجرم
زیر دامن مجھ کو چھپا لے
روزِ حساب اور مجھ سا عاصی
میری بگڑی بات بنا لے
تورے بل بل جاؤں کھویا
ندیا گہری نیّا ہالے
گھِر گھِر آئے گم کے بدرا
جیرا کانپت کملی والے
رین اندھیری دُور نگریا
توری دہائی جگ اُجیالے
تن من دھن کی سدھ بدھ بسری
موری کھبریا مورے پیا لے
نیناں کے بلہاری جاوے
درسن بھچّا جو منگتا لے
وا کو سمندر پار ہو جا دو
جا کو ڈراویں ندی نالے
اپنے حسین و حسن کے حسن کو
زہرِ کرب و بلا سے بچا لے
چھائے غم کے بادل کالے
حالیہ پوسٹیں
- عکسِ روئے مصطفے سے ایسی زیبائی ملی
- ہم مدینے سے اللہ کیوں آگئے
- وجہِ تخلیقِ دو عالم، عالم آرا ہو گیا
- نبی اللہ نبی اللہ جپدے رہوو
- جتنا مرے خدا کو ہے میرا نبی عزیز
- واہ کیا جود و کرم ہے شہ بطحا تیرا
- محبوبِ کبریا سے میرا سلام کہنا
- یا محمد نورِ مجسم یا حبیبی یا مولائی
- بیبا عاشقاں دے رِیت تے رواج وکھرے
- طلسماتِ شب بے اثر کرنے والا
- سچ کہواں رب دا جہان بڑا سوھنا اے
- خوشی سب ہی مناتے ہیں میرے سرکار آتے ہیں
- حُضور! آپ کا رُتبہ نہ پا سکا کوئی
- میری زندگی کا تجھ سے یہ نظام چل رہا ہے
- سرکار یہ نام تمھارا سب ناموں سے ہے پیارا
- کیا مہکتے ہیں مہکنے والے
- ہم تمہارے ہوکے کس کے پاس جائیں
- حرزِ جاں ذکرِ شفاعت کیجئے
- یا نبی نظرِ کرم فرمانا اے حسنین کے نانا
- مدینے کی جانب یہ عاصی چلا ہے