بیبا عاشقاں دے رِیت تے رواج وکھرے
سارے جگ نالوں اینہاں دے مزاج وکھرے
رُل جاندے یار لئی اُف نیوں کردے
پئے چمڑی لہاندے سولی اتے چڑھدے
اینہاں لوکاں دیاں سوچاں تے رواج وکھرے
بیبا عاشقاں دے ریت تے رواج وکھرے
در یا ر دا اے قبلہ تے کعبہ اینہاں لئی
سنگ یار دی گلی دا اے سجادہ ایہناں لئی
سچے عاشقاں دے تخت تے تاج وکھرے
بیبا عاشقاں دے ریت تے رواج وکھرے
ایہہ طیبہ اتوں جنتاں نوں وار سٹدے
ایہہ بہشتاں نوں تیلی لا کے ساڑ سٹدے
طیبہ والیاں دے قمر و سراج وکھرے
بیبا عاشقاں دے ریت تے رواج وکھرے
حج اینہا دا اے یار دا دوارا ملنا
اَٹھے پہر رُخِ یار دا نظارا کرنا
ویکھ عاشقاں تے فرض نیں کاج وکھرے
بیبا عاشقاں دے ریت تے رواج وکھرے
دید یار دی اے اینہاں لئی جہاناں کولوں ودھ
سوھنے یار دی گلی ایہہ اَسماناں کولوں ودھ
روگ اینہاں دے نرالے تے علاج وکھرے
بیبا عاشقاں دے ریت تے رواج وکھرے
ایہہ یار دے پسینے اُتے رَت ڈو ہلدے
تن من رول دیندے مونہوں نیوں بولدے
درِ یار اُتے ڈھوندے نیں اے داج وکھرے
بیبا عاشقاں دے ریت تے رواج وکھرے
ایہہ دل والی دھرتی سیراب کردے
ایہہ بنجر زمیناں آب و آب کردے
بیبا ولیاں دے کُھوہ تے بیراج وکھرے
بیبا عاشقاں دے ریت تے رواج وکھرے
اے رب دے حبیب دا نیں فیض ونڈدے
ڈُبے بَیڑیاں نوں تار دیاں نیوں سنگدے
دل اُتے اینہاں لوکاں دے نیں راج وکھرے
بیبا عاشقاں دے ریت تے رواج وکھرے
بیبا عاشقاں دے رِیت تے رواج وکھرے
حالیہ پوسٹیں
- اٹھا دو پردہ دِکھا دو چہرہ، کہ نور باری حجاب میں ہے
- کعبے پہ پڑی جب پہلی نظر، کیا چیز ہے دنیا بھول گیا
- طلسماتِ شب بے اثر کرنے والا
- ذکرِ احمد میں گزری جو راتیں حال انکا بتایا نہ جائے
- دل میں بس گئے یارو طیبہ کے نظارے ہیں
- آرزو ہے میری یامحمد موت آئے تو اس طرح آئے
- فلک پہ دیکھا زمیں پہ دیکھا عجیب تیرا مقام دیکھا
- کیونکر نہ میرے دل میں ہو الفت رسول کی
- اپنی رحمت کے سمندر میں اُتر جانے دے
- یہ نہ پوچھو ملا ہمیں درِ خیرالورٰی سے کیا
- مصطفی جانِ رحمت پہ لاکھوں سلام
- لَنْ تَرَانِیْ نصیبِ موسیٰ تھی
- خوشی سب ہی مناتے ہیں میرے سرکار آتے ہیں
- بڑی مشکل یہ ہے جب لب پہ تیرا ذکر آتا ہے
- شبنم میں شراروں میں گلشن کی بہاروں میں
- نصیب آج اپنے جگائے گئے ہیں
- عرشِ حق ہے مسندِ رفعت رسولُ اللہ کی
- مجھ کو طیبہ میں بلا لو شاہ زمنی
- ہر وقت تصور میں مدینے کی گلی ہو
- الصُّبْحُ بدَا مِنْ طَلْعَتِہ