Aey ishq e nabi mere dil main bhi samaa jaana
Mujh ko bhi muhammad ka deevana bana jaana
Jo rang ke jaami par rumi pe charhaaya thha
Uss rang ki kuchh rangat mujh par bhi charhaa jaana
Qudrat ki nigaahain bhi jiss cheray ko takti thhi
Uss chehra e anwar ka deedar kara jaana
Jiss khwab main ho ja-ay deedar e nabi haasil
E ishq kabhi mujh ko neend esi sula jaana
Deedar e muhammad ki hasrat to rahe baaqi
Juz is ke har ik hasrat iss dil say mita jaana
Dunya say riyaaz ho jab uqba ki taraf jaana
Daagh e gham e ahmad se seene ko saja jaana
Aey ishq e nabi mere dil main bhi samaa jaana
Mujh ko bhi muhammad ka deevana bana jaana