YA RABB meri soee huwi taqdeer jaga de
Aankh mujhe dee hai to Madinah bhi dikha de
Sunnay ki jo quwwat mujhe bakhshi hai Khudawand
Phir Masjid e Nabawi ki Azaan bhi suna de
Muddat se mai in hataun se karti hoon dua’en
In hataun me ab Jali Sunahri bhi thama de
Hooraun ki na ghilmaa ki na jannat ki talab hai
Madfan mera Sarkar ki basti me bana de
Mooh hashr me mujh ko na chupana paday YA RABB
Mujh ko mere Mehboob ke Daman me chupa de
Ishrat ko bhi ab khusbu e Hassan ata kar
Jo Alfaaz kahein yeh isay tu naat bana de