Aye Madine ke Tajdar Tujhe

Aye Madine ke Tajdar Tujhe, ahl-e-iman salam kehty hen
tery ushak tery diwany , jan-e-jana salam kehty hen

teri furqat men beqarar hen jo, hijar-e-taiba men dilfigar hen jo
vo talabgar-e-deed ro ro kar, a meri jan salam kehty hen

jo tery ishaq men tarapty hen, hazri k liye tarasty hen
izn-e-taiba ki ass men aqa, vo musalman salam kehty hen

jinko dunia k gham sataty hen, thokary darbadar jo khaty hen
ghamnaseebon k charagar tumko, vo pareshan salam kehty hen

ap aatar q pareshan hen, asiyon par bhi vo meharban hen
unpy rehmat vo khas karty hen, jo musalman salam kehty hen