Bheek ‘ata ae Nabi Muhatasham ho
Mere aaqa nigah e karam ho
Deed ka hun talab gaar aaqa
hun agar che gunah gaar aaqa
ik jhalak apni sarkar aaqa
ab dikha do na ik baar aaqa
is gunah gaar par bhi karam ho
mere aaqa nigahe karam ho
Hai yaqeen ‘arz meri suno ge
laaj Lajpaal meri rakho ge
rahmatein khaas apni karo ge
aaj daman mera bhi bharo ge
ya Nabi taajdaar e haram ho
mere aaqa nigah e karam ho
Hai tamanna meri mere dilbar
dekh lun kash har saal aa kar
teri masjid ke mehraab o minbar
aur roze ka pur kaif manzar
phir bayan haal ka chashm e nam ho
mere aaqa nigah e karam ho
Choot jaye gunahon ki aadat
rab ki dil se karoon mein ibadat
aisi kar de tu nazr e inayat
bas tere gham main maah e risalat
dil tarapta rahe aankh nam ho
Yaad aata hai mujh ko woh manzar
jab chala tha madine se dilbar
muztarib qalb tha aankh thi tar
us ghari ‘arz ye thi zabaan par
baar baar aaoon aisa karam ho
mere aaqa nigah e karam ho
Arz karta ‘obaid e raza hai
tere dur ka jo adna gada hai
mushkilon mein shaha ye ghira hai
tujh se imdad yeh chahta hai
door is ka hur ik runj o ghum ho
mere aaqa nigah e karam ho