Jitna Diya Sarkaar Ne Mujh Ko, Itni Meri Awqaat Nahi
Yeh To Karam Hai Un Ka Warna, Mujh May(N) Aesi Baat Nahi(N)
Ishqe Shahe Batoha Se Pehle, Mufliso Khasta Haal Tha May(N)
Naame Muhammad Ke May(N) Qurbaan, Ab Woh Mere Halaat Nahi(N)
Zikre Nabi Mei(N) Din Jo Guzre, Woh Din Sab Se Behtar Hai
Zikre Nabi Mei(N) Raat Jo Guzre, Us Se Behtar Raat Nahi(N)
Jo Munkir Hai Unki Ata Ka, Woh Yeh Baat Bataaey To
Kaun Hai Woh Jis Ke Daaman Mei(N), Us Dar Ki Khairaat Nahi(N)
Woh Hai(N) Meri Jaan-O-Imaan, Kya May(N) Unki Nazar Karu(N)
Paas Mere Ashko(N) Ke Ilaawa, Aur Koi Soghaat Nahi(N)
Ghaur To Kar Sarkaar Ki Tujh Par, Kaisi Khaas Inaayat Hai
Kausar Tu Hai Un Ka Sanaa Khwaan, Yeh Maamooli Baat Nahi(N)