Chamane Taiba mein sumbul jo sawaare gesu
Hoor badh kar shikane naaz pe waare gesu
Ki jo baalon se tere Rauze ki jaaroob kashi
Shab ko shabnam ne tabarruk ko hain dhaare gesu
Hum siyah kaaron pe Ya Rab tapishe mahshar mein
Saaya afgan hon tere pyare ke pyare gesu
Charche hooron mein hain dekho to zara baale burraq
Sumbule khuld ke qurban utare gesu
Aakhire Hajj ghame ummat mein paresha(n) ho kar
Teerah bakhton ki shafa’at ko sidhare gesu
Gosh tak sunte the fariyad ab aaye taa dosh
Ki bane khana badoshon ko sahare gesu
Sukhe dhano(n) pe humare bhi karam ho jaaye
Chaye rehmat ki ghata ban ke tumhare gesu
Ka’baye Jaa(n) ko pinhaya hai gilafe mushkee(n)
Udh ke aaye hain jo abr pe tumhare gesu
Silsila paa ke shafa’at ka jhuke padte hain
Sajdaye shukr ke karte hain ishare gesu
Mushk boo koocha ye kis phool ka jhada un se
Hooriyo ambare saara huye saare gesu
Dekho Qur’an me shabe Qadr hai ta matlaye fajr
Ya’ni nazdeek hain aariz ke woh pyare gesu
Bheeni khushboo se mahak jaati hain galiya(a) wallah
Kaise phoolo mein basaye hain tumhare gesu
Chamane Taiba Mein Sumbul Jo Sawaare Gesu
Related Content
- Nabi Ki Naat Me Padh Lun To Koi Baat Nahi
- Gali Hondi Madine Di Lyrics
- TAN SADQE MERA MANN SADQE
- Meray Kamli Walay Ki Shaan Hi Nirali Hai Naat Lyrics
- Tere Qadmo Me Aana, Mera Kaam Tha (Naat Lyrics)
- Nabi Ki Naat Ki Mahefil Sajana Hum Na Chhorenge Naat Lyrics
- AAJ ASHK MERI NAAT SONAA?E TO AJAB KYA
- Ya Rasool Allah Ya Habeeb Allah (Naat Lyrics)
- Noori Mahfil Lyrics
- ZIKR E KHAIR UL WARA NAAT LYRICS
- Ae Shahenshah e Madina Assalat o Wassalam
- Jasne Amade Rasool Allah Hi Allah Naat Lyrics
- Ujaala Jis Ka Hai Do Jahaan Mein, Woh Mere Aaqa Ki Roshni Hai
- Khairat Lene Aagaye Mangte Tumhare Khwaja Naat Lyrics
- Kabe Pe Pari Jab Pehli Nazar Naat Lyrics
- Sunehri Jalion Ko Nazar Aane
- BARI UMEED HAI SARKAR QADMON
- Jahan Bani Ata Karde Naat Lyrics
- Rehmat Baras Rahi Hai Muhammad Ke Shaher Mein Naat Lyrics
- Muhammad Ke Shaher Mein Naat Lyrics