Chamane Taiba Mein Sumbul Jo Sawaare Gesu

Chamane Taiba mein sumbul jo sawaare gesu
Hoor badh kar shikane naaz pe waare gesu

Ki jo baalon se tere Rauze ki jaaroob kashi
Shab ko shabnam ne tabarruk ko hain dhaare gesu

Hum siyah kaaron pe Ya Rab tapishe mahshar mein
Saaya afgan hon tere pyare ke pyare gesu

Charche hooron mein hain dekho to zara baale burraq
Sumbule khuld ke qurban utare gesu

Aakhire Hajj ghame ummat mein paresha(n) ho kar
Teerah bakhton ki shafa’at ko sidhare gesu

Gosh tak sunte the fariyad ab aaye taa dosh
Ki bane khana badoshon ko sahare gesu

Sukhe dhano(n) pe humare bhi karam ho jaaye
Chaye rehmat ki ghata ban ke tumhare gesu

Ka’baye Jaa(n) ko pinhaya hai gilafe mushkee(n)
Udh ke aaye hain jo abr pe tumhare gesu

Silsila paa ke shafa’at ka jhuke padte hain
Sajdaye shukr ke karte hain ishare gesu

Mushk boo koocha ye kis phool ka jhada un se
Hooriyo ambare saara huye saare gesu

Dekho Qur’an me shabe Qadr hai ta matlaye fajr
Ya’ni nazdeek hain aariz ke woh pyare gesu

Bheeni khushboo se mahak jaati hain galiya(a) wallah
Kaise phoolo mein basaye hain tumhare gesu


Related Content

  1. Tum Par Main Jan
  2. Muhammad Mazhar E Kamil Hain Haq Ki Shan E Izzat Ka   Naat Lyrics
  3. Mustafa Khairul Wara Ho  Naat Lyrics
  4. Dil Madina Mera Bana Aaqa Naat Lyrics
  5. Ek Main Hi Nahi Un Par Qurban Zamana Hai  Naat Lyrics
  6. Jo Ho Chuka Hai Jo Hoga Huzoor Jante Hain  Naat Lyrics
  7. Main Madine Chala  Naat Lyrics
  8. Mangate Hain Karam Unka Sada  Naat Lyrics
  9. TARON MEIN ROSHNI
  10. Hai Kalaam-E-Ilahi Me Shams-O-Duha   Naat Lyrics
  11. sallay-ala-pukaro-sarkar-arahe-hain
  12. Ay Mustafa Ke Phool Dilon Jaan Ya Hussain
  13. Baqi Sabey Galan Chutiyan Ney Sariyan Lyrics
  14. Ae Ishq e Nabi Meray Dil Mein Bhi Sama Jana
  15. Kushiyo Ki Bahaare Laaya Ramzan Mubarak Aaya  Naat Lyrics
  16. Milaad Hai Milaad Hai Sarkaar Ka Milaad Hai  Naat Lyrics
  17. Chor Fikr Duniya Ki Chal Madine Chalte Hain
  18. BATIL KE JAB JAB BADLE HAI TEVAR NAAT LYRICS
  19. Sarkar Ka Madina  Naat Lyrics
  20. Hum Ko Bulana Ya Rasulallah

Leave a comment