Me to Khud Unke Dar ka Gada Hoon Naat Lyrics
Me to khud Unke dar ka gada hoon,
Apne AaQA ko main nazr kya doon
Ab to aankhon me bhi kuchh nahin hai
Varna qadmon me aankhein bichha doon
Aane waali hai unki sawari
Phool naaton ke ghar ghar saja doon
Mere ghar me andhera bohot hai
Apni palkon pe shamme jala doon
Rauza-e-paak pesh-e-nazar hai
Saamne mere AQA ka dar hai
Mujhko kya kuchh nazar aa raha hai
Tumko lafzon me kaise bata doon
Mere aansu bahut kheemti hain
Inse waabasta hai unki yaadein
Inki manzil hai khak-e-madeena
Ye gohar yun hi kaise luta doon
Me faqat Aap ko jaanta hoon
Aur usi dar ko pehchanta hoon
Is andhere me kisko pukaroon
Aap farma’aein kisko sada doon
Me to Khud Unke Dar ka Gada Hoon Naat Lyrics
Qaafilay jaa rahe hain Madeene
Aur hasrat se Me tak raha hoon
Ya lipat jaoon qadmon se unke
Ya qaza ko Me apni sada doon
Meri bakhshish ka saamaan yahi hai
Aur dil ka bhi armaan yahi hai
Ek din Unki khidmat me jaakar
Unki naatein unhi ko suna doon
Mujhko IQBAAL nisbat hai unse
Jinka har lafz jaan-e-sukoon hai
Me jahaan naat apni suna doon
Saari mehfil ki mehfil jaga doon