Un Ki Nazar Mein

Un (pbuh) ki nazar main jab se main hoon ranj nahi aalaam nahi
Meri nazar main is se barh kar or koi kaam inaam nahi

Ronay wali aankhein maango rona sab ka kaam nahi
Zikar-e-muhabbat aam hay lekin soz-e-muhabbat aam nahi

Tu shayer hay naat-e-Nabi (pbuh) ka wayez ban kar baat na kar
Khizar se rasta pooch kay chalna deewano ka kaam nahi

Jo mehroom-e-rakht-e-safar thay un (pbuh) ki gali tak ja puhnchay
Jazba-e-ulfat sadiq ho to koi tarapna kaam nahi

Un (pbuh) ka sana khwan Un (pbuh) ka bhikari Un (pbuh) ka sawali un (pbuh) ka gadaa
Sirf Adeeb na bolo mujh ko aik hee mera naam nahi

Un (pbuh) ki nazar main jab se main hoon ranj nahi aalaam nahi
Meri nazar main is se barh kar or koi kaam inaam nahi