Kiya jaane duniya wale rutba mere madani ka
Khata he sara zamana sadqa mere madani ka
Aal e nabi aulad e ali hein aur farzand e batool
Inke chehre ko dekho to yaad aate hein rasool
Ghaus e Azam ki shabeeh he chehra mere madani ka
Woh hein mujaddid wo hein mufassir, har sunni ke imam
Hum sab unke tukdon par palne wale hein gulam
Milta he taiba se humko sadqa mere madani ka
Dono jahan me rakkha he mera madani ne bharam
Khauf ho dushman ka kaise jub sath he unka karam
Ghabrata nahi kisi se banda mere madani ka
Aise muhaqqiq aise muhaddis hein allah ki qasam
Waqt ke jayyad ulama ne choomen hein inke qadam
Sare fatwon par bhari he fatwa mere madani ka
Rab ke karam se hum ko mili shekhul islam ki nisbat
Hashr me is nisbat se milegi ashrafiyon ko jannat
Chalta he dono jahan me sikka mere madani ka
Log deewane ban jate hein aisi he taseer
Batil ko ruswa kar deti he unki taqreer
Duniya me sab se juda he lehja mere madani ka
Dozakh ka haqdar banega jo madani se jalega
Laanat uspar rab ki hogi, ruswa hoke marega
Munkir!,Dil se tu bhi hoja sheda mere madani ka
Mere nabi aur maula ali, ghaus o khwaja bhi honge
Qutb o fareed o nizam o sabir ashraf e simnan honge
Mehshar me bhi hoga FAZIL jalsa mere madani ka