Manqabat e Garib Nawaz
Baabe Haram khula hai Chati ki bahar hai
Har soo nuzoole rehmate Parwardigar hai
Hum Hindiyon ke dil mein jo Imaan ka noor hai
Usmaan ke laal ka karam be shumaar hai
Sadqa Rasoole Paak ka Ajmer mein mile
Dariya e faiz Chisht ka ye aabshaar hai
Zahid bahare ishq ki kuch kaifiyat na pooch
Har zakhme dil hara hai jigar laala zaar hai
Dhalti hai shaame zindagi Khwaja ab aaiye
Sayyid ki chashme nam ko tera intezaar hai