Ban kay Kher ul Wara Agaey Mustafa ham gunahgaron kee behteri kayliyay
Ik taraf bakhshishain ik taraf jannatain kesey in’aam hein ummati kayliyay
Chaarsoo rehmaton kee hawain chaleen ho gaee jis sey sari faza dil nasheen
Muskurao sabhi agaey hein nabi gham kay maaro tumhari khushi kayliyay
Halqay halqay jo dil ko suroor aeyen hein bazm main kamle wale zaroor aeye hein
Haath pehlao kashkol lay kar sabhi batt rahe hein karam har kisee kayliyay
Saamnain hon wo gumbad kee haryalian choom loon aap kay rozay kee jalian
Ey mere chara gar kar day muj pey nazar kab sey beychein hoon hazari kayliyay
Daata hujweri laasani mehr-e-ali khwaja hind ul wali baahoo ghaus e jali
Kesey kesey diyay mere mehboob nain yeh nageenain hamain roshni kayliyay
Jis kay lab par raha ummati ummati yaad un kee na bhoolo niazi kabhi
Woh kahain ummati tu bhi keh ya nabi mein hoon hazir teree chakree kayliyay