Koi Nabi nahi he mere Mustafa ke bad
Shere Khuda nahi he Ali Murtuza ke bad
Na he kisi ke bete Hussaino Hasan se aur
Na Fatima si ma he koi Fatima ke bad
Jaisi padhi Hussain ne teeron ke chaon me
Aisi namaz phir na hui karbala ke bad
Abbas tere nam ko main apne ishq se
Pehle wafa ke likhu ya likhu wafa ke bad
Shabbir kehke bhe bulate rahe jise
Hurr aur kya sawal kare is ata ke bad
Darbare sham me kaha Zainab ne sun yazeed
Darte nahi kisi se bhi hum to Khuda ke bad