Aseero Ke Mushkil Kusha Gaus e Aazam
Faqeeron Ke Haajat Rawaa Gaus e Aazam
Ghira Hai Balaaoñ Meiñ Bandaa Tumhara
Madad Ke Liye Aao Ya Gaus E Aazam
Tere Haath Meiñ Haath Maine Diya Hai
Tere Haath Hai Laaj Ya Gaus E Azam
Mureedoñ Ko Khatra Nahiñ Behre Gam Se
Ke Bede Ke Haiñ Naakhuda Gaus E Azam
Tumheeñ Dukh Suno Apne Aafat Zadoñ Ka
Tumheeñ Dard Ki Do Dawa Gaus E Aazam
Bhañwar Meiñ Phansa Hai Hamara Safeena
Bachaa Gaus E Aazam Bachaa Gaus E Aazam
Jo Dukh Bhar Rahaa Hooñ Jo Gam Seh Rahaa Hooñ
Kahooñ Kis Se Tere Siwa Gaus E Aazam
Zamaane Ke Dukh Dard Ki Ranj O Gam Ki
Tere Haath Meiñ Hai Dawaa Gaus E Azam
Agar Sultanat Ki Hawas Ho Faqeeroñ
Kaho “Shai Al Lillah” Ya Gaus E Aazam
Nikaala Hai Pehle Tho Doobe Huwoñ Ko
Aur Ab Doobtoñ Ko Bacha Gaus E Aazam
Jise Khalq Kehti Hai Pyaara Khuda Ka
Usi Ka Hai Thu Laadla Gaus E Aazam
Phañsa Hai Tabaahi Meiñ Beda Hamaara
Sahara Lagaa Dhu Zara Ghous E Aazam
Mashaaikh Jahaañ Aaye Bahr E Gadaai
Wo Hai Teri Daulat Saraa Gaus E Aazam
Meri Mushkiloñ Ko Bhi Aasan Kijiye
Ke Haiñ Aap Mushkil Kusha Gaus E Aazam
Wahaañ Sar Jhukaate Haiñ Sab Uñche Uñche
Jahaañ Hai Tera Naqsh E Paa Gaus E Aazam
Qasam Hai Ke Mushkil Ko Mushkil Na Paaya
Kaha Hum Ne Jis Waqt Yaa Gaus E Aazam
Muje Apni Ulfat Meiñ Aisaa Guma De
Na Paaoñ Phir Apna Pataa Gaus E Aazam
Bachaale Gulaamoñ Ko Majbooriyoñ Se
Ke Tu Abd E Qaadir Hai Yaa Gaus E Aazam
Kahe Kis Se Jaakar Hasan Apne Dil Ki
Suney Kaun Tere Siwaa Gaus E Aazam
Aseero Ke Mushkil Kusha Gaus e Aazam
Related Content
- Ab Bula Lijiye Na Madina Lyrics
- Ae Rasool e Ameen khatamal morsalin,
- Na Aasmaan Ko Yun Sar Kashida Hona Tha Naat Lyrics
- Aa Jaye Bulawa Mujhe Aqa Tere Dar Se
- Ay Mustafa ke fool dilojaan ya hussain
- Mai Toh Miladi Hu Naat Lyrics
- Zameen Maili Nahi Hoti Zaman Maila Nahi Hota (Naat Lyrics)
- Naatein Sarkar Ki Parta Hoon Mein
- Choote Na Kabhi Tera Daman ya khwaja moinuddin hassan
- Koi Saleeqa Hai Aarzoo Ka Na Bandagi Meri Bandagi Hai Naat Lyrics
- Sahab E Rehmat E Baari Hai Barahvi Tareekh Naat Lyrics
- Apne Dar Pe Jo Bulaa-o To Bahot Ach’cha Ho
- Hasbi Rabbi Jallal Lah Allah Ho Allah
- Dam Ba Dam Allah Ho Allah Ho (Hamd) Naat Lyrics
- Meri Darkan Mey Ya Nabi Meri Sanson Mey Ya Nabi (Naat Lyrics)
- Koyi Kya Jane Jo Tum Ho Khuda Hi Jaane Kya Tum Ho Naat Lyrics
- BALAGHAL ULA BE KAMALEHI SALLU ALAIHE WALEHI
- Nabi Ka Aastan Ho Or Mera Sar Ho To Kia Kehna Naat Lyrics
- karam phir rasule khuda kijiyega naat lyrics
- Pir Mere Baghdaadi Ghaus Ul Anaam Naat Lyrics