Lo Madine ki tajjali se lagaye huye hain
Dil ko ham matla’ye – anwar banaye huye hein
Kashtiyaan apni kinaare pey lagaye huye hein
Kya woh doobey jo Muhammad key taraaye huye hein
Naam aane sey Abu Bakr o Umar ka lab par
Tu Bigerta hay woh pehloon mein sulaye huye hein
Hazir o Nazir o Noor o Bashar o Ghaib ko choorh!
Shuker kar woh tere ‘aibon ko chupaye huye hein
Ik jhalak aaj dikhaa Gumbad- e- Khazra ke Makeen
Kuch bhi hein, door se deedar ko aaye huye hein
Sar pey rakh deejiye zara dast- e- tassali Aqa
Ghum key maare hein zamane ke sataye huye hein
Sharm e isian say nahen samny jaya jata
Yeh bhi kiya kam hay tery shaher main aye huye hein
Teri nisbat hi to hay jis ki badaulat hum log
Kufr key daur mein, Emaan bachaaye huye hein
Lo Madine Ki Tajalli Se Lagaye Huye Hain Naat Lyrics
Kaash deewana bana lein woh hamein bhi apna
Aik dunya ko jo deewana banaye huye hein
Bosa-e dar se na rouk ab to inhe aey darbaan
Khud nahi aye yeh mehmaan bulaye huye hein
Qabr ki neend se uthna koi aasan na tha
Hum to Mehshar mein Unhe dekhne aaye huye hein
Kyun na palrha terey aamal ka bharee ho Naseer
Ab to Mizaan pey Sarkaar bhi aaye huye hein