Hum Ko Bulana Ya Rasulallah

Hum ko bulana Ya Rasulallah

Hum ko bulana Ya Habiballah

Kabhi to subz gumbad ka ujala hum bhi dekhein ge

hamein bulwaein ge aaqa madina hum bhi dekhaein ge

Dharak uthe ga ye dil ya dharkna bhool jaae ga

dil e bismil ka us dur pur tamasha hum bhi dekhein ge

Adab se haath baande un ke roze pur khare hon ge

sunehri jaaliyon ka yun nazara hum bhi dekhein ge

Dar e dolat se lotaya nahi jaata koi khali

wahan khairat ka butna khudara hum bhi dekhein ge

Barasti gumbad e khuzra se takrati hui boondein

wahan pur shan se baarish barasna hum bhi dekhein ge

Guzare raat din apne issi ummeed pur hum ne

kisi din to jamal e roo e zeba hum bhi dekhein ge

Dum e rukhsat qadam mun bhar ke hain mehsoos karte hain

kise hai jaa ke lot aane ka yaara hum bhi dekhein ge

Pohonch jaaein ge jis din ae ujagur un ke qadmon mein

kise kehtein hain jannat ka nazara hum bhi dekhein ge

Hum ko bulana Ya Rasulallah

Hum ko bulana Ya Habiballah