Ahmad Raza Ka Taza Gulistan Hai Aaj Bhi

Ahmad Raza Ka Taza Gulistan Hai Aaj Bhi
Khursheed ‘Ilm Un Ka Darakhshaan Hai Aaj Bhi

‘Arsah Hua Woh Mard E Mujaahid Chalaa Gayaa
Sunniyon Main Aik Sozish E Pinhaan Hai Aaj Bhi

Imaan Paa Rahaa Hai Halaawat Ki Naematein
Aur Kufr Tere Naam Se Larzaan Hai Aaj Bhi

Kis Tarah Itne ‘Ilm Ke Daryaa Bahaa Deyee
‘Ulamaa E Haq Ki ‘Aql To Hayraan Hai Aaj Bhi

Maghmum Ahl E ‘Ilm Nah Hon Kyun Tere Liye
Jab ‘Ilm Khud Hi Sar Bagareeban Hai Aaj Bhi

Sab Unke Jalne Walon Ke Ghu Ho Gaye Chiraagh
Ahmad Raza Ki Sham’a Farozaan Hai Aaj Bhi

‘Ishq E Habib E Paak Mein Dubaa Hua Kalaam
Sarmaayah Nishaat Sukhandaan Hai Aaj Bhi

(Sall Allahu Ta’ala ‘Alaihi Wa Aalihi Wasallam)

Bhar Di Diloun Mein Ulfat O ‘Azmat Rasul Ki
Jo Makhzan E Halaawat E Imaan Hai Aaj Bhi

(Sall Allahu Ta’ala ‘Alaihi Wa Aalihi Wasallam)

Tum Kya Gaye Ke Rawnaq E Mehfil Chali Gayei
Sh’er O Adab Ki Zulf E Pareshaan Hai Aaj Bhi

‘Aalim Ki Mawt Kehte Hain ‘Aalam Ki Mawt Hai
Apne Kiye Peh Mawt Pasheeman Hai Aaj Bhi

Wabastagaan Kyun Hon Pareeshaan Un Peh Jab
Lutf O Karam Unka Damaan Hai Aaj Bhi

Lillah Apne Faiz Se Ab Kaam Lejiye
Fitnoun Ke Sar Uthaane Kaa Imkaan Hai Aaj Bhi

Taibah Main Us Ki Zaat Salaamat Rahe Keh Jo
Teri Amaanatoun Kaa Nighehbaan Hai Aaj Bhi

Mirza Sare Niyaaz Jhukaataa Hai Is Liyee
‘Ilm O ‘Amal Peh Aap Ka Ihsaan Hai Aaj Bhi

– Manqabat Of Shaykh Al Islam Al Mujaddid Al Aazam Imam Ahmad Rida
Rahimahullahu Ta’ala


Related Content

  1. Rifaete Subhe Saadat Zindabad  Naat Lyrics
  2. Ho Karam Sarkar Ab To Ho Gae Ghum Beshumar Naat Lyrics
  3. Bheeni Suhani Subh Mein Thandak Jigar Ki Hai  
  4. Dil Madina Mera Bana Aaqa Naat Lyrics
  5. Na Tera Khuda Koi Aur Hai Lyrics
  6. Ser-E-Gulshan Kon Dekhe Dasht-E-Taiba Chor Kar  Naat Lyrics
  7. Jo Madina Hum Bhi Jaate (Naat Lyrics)
  8. Barhy jo karky vo
  9. Aye Naseeb Mere Naseeb Tu
  10. Ajmer ka safar ab mujko ata ho khwaja
  11. Aey Ishq E Nabi Mere Dil Main Bhi Samaa Jaana (Naat Lyrics)
  12. MADINE KA SAFAR HAI AUR MAIN NAMDEDA NAMDEDA NAAT LYRICS
  13. Haiya Alas Salah Haiya Alah Falah
  14. Nabi Ka Jashn Aaya  Naat Lyrics
  15. Muhmmad Ruhi Fidaka Naat Lyrics
  16. Bolte Hain Sangreze Aapke Ishare Se  Naat Lyrics
  17. Aey Mere Mola Mola Mola
  18. Hamen Donon Jahan Mein Hai Sahara Gause-Azam Ka Lyrics
  19. Bigri Banaa-o Makki Madani (Naat Lyrics)
  20. Naat Sarkar Ki Parta Hoon Mein  Naat Lyrics

Leave a comment